ички ишлар тизими ходими, сиёсий тизим, сиёсий маданият мезони, сиёсий тенденциялар, миллийлик, оммавий ахборот воситалари.

ushbu maqolada Zarafshon vohasi viloyatlari misolida yoshlar siyosati va ularning dunyo va O‘zbekistonning ijtimoiy, iqtisodiy, siyosiy, madaniy hayotidagi o‘rni, shuningdek, yoshlar hayotidagi dolzarb muammolar va yoshlar tashkilotlariga ushbu muammolarni hal qilishda taklif etilayotgan muqobil еchimlar yoritilgan. Yoshlar siyosatini amalga oshirish bo‘yicha kompleks vazifalarni amalga oshirishda Samarqand, Buxoro va Navoiy viloyatlari taqqoslandi.

Ушбу мақолада миллатлараро муносабатларга оид муҳим маълумотлар тадқиқ қилиниб, бу борада олиб борилаётган ислоҳотларнинг мазмун моҳияти борасида фикр юритилган. Шунингдек, мамлакатда фаолият юритаётган соҳага оид давлат қўмитаси ҳақида атрофлича тўхталиб ўтилган.

Ushbu maqolada yoshlarni barkamol inson qilib tarbiyalashda ma’naviyat tushunchasining o’rni, ahamiyati va tarbiyalash muammolari haqida baxs yuritildi, ularni hal etish yo’llari haqida mulohazalar bildiriladi. Ma’naviyat inson aqliy, ruhiy va amaliy faoliyatini aks ettiruvchi keng qamrovli tushuncha bo’lib, maqolada uning kelib chiqishi, xususiyati va vazifalari, hayotda tutgan o’rni haqida baxs yuritiladi. Shuningdek ma’naviyatga xos bo’lgan umuminsoniylik, milliylik, mintaqaviylik, shaxsiylik kabi xususiyatlar hamda ular orasidagi dialektik xususiyatlar bayon etiladi. Shuningdek ma’naviyatning ta’lim va tarbiya jarayonlarida turgan o’rni va ahamiyati ko’rsatiladi.

Ushbu ilmiy maqola XIX asrning birinchi yarmida Qo‘qon xonligi tarkibida faoliyat yuritgan qabila boshliqlarining xonlik siyosatiga ko‘rsatgan ta’sirini tahlil etishga bag‘ishlangan. Mavzu kirish qismida tarixiy zarurat nuqtayi nazaridan asoslab berilib, bu davrda xonlikdagi boshqaruv tizimi bilan qabila boshliqlari o‘rtasidagi siyosiy munosabatlar yoritilgan. Adabiyotlar tahlili orqali mavjud tarixiy manbalar va zamonaviy tadqiqotlar o‘rganilib, ushbu mavzu hozirgacha to‘liq ochilmagan ilmiy yo‘nalish ekani aniqlanadi. Qabila boshliqlarining siyosiy faoliyati, ularning xonlikdagi lavozimlari, harbiy va ma’muriy tizimdagi roli atroflicha ko‘rib chiqiladi. Natijalar qismida ming, qipchoq, qang‘li kabi yirik urug‘lar vakillarining xonlik siyosatida qanday ishtirok etgani, ularning qarorlar qabul qilishdagi vositachilik roli yoritiladi. Muhokama jarayonida qabila boshliqlarining mavjudligi xonlikdagi markazlashuv jarayoniga qanday ta’sir ko‘rsatgani, ularning siyosiy mustaqillik sari harakati hamda xonlik ichidagi kuchlar muvozanatidagi o‘rni tahlil qilingan. Mazkur tadqiqot Qo‘qon xonligidagi siyosiy jarayonlarni chuqurroq anglashga xizmat qiladi va qabila-mamlakat boshqaruvining o‘zaro ta’sirini yoritishga qaratilgan.

Mazkur ilmiy maqolada O‘zbekiston Respublikasining mustaqillikka erishgan dastlabki yillarida ichki ishlar organlari faoliyatining tubdan o‘zgarishi va rivojlanish tendensiyalari tahlil qilinadi. Asarda mustaqillikdan so‘ng mamlakatda huquq-tartibot tizimining shakllanishi, milliy xavfsizlikni ta’minlash, jamiyatda ijtimoiy barqarorlik va qonun ustuvorligini mustahkamlash yo‘lida ichki ishlar organlari zimmasiga yuklangan mas’uliyatli vazifalar yoritiladi. Shuningdek, ichki ishlar sohasida amalga oshirilgan islohotlar, me’yoriy-huquqiy bazaning yaratilishi va malakali kadrlar tayyorlash borasida ko‘rilgan chora-tadbirlar keng tahlil qilinadi.

Maqolada O’zbekiston Respublikasida aholi bandligini ta’minlash va kasbiy ta’lim tizimini isloh qilish jarayonlari ijtimoiy-falsafiy nuqtai nazardan tahlil qilinadi. Muallif islohotlarning faqat iqtisodiy emas, balki madaniy, axloqiy va ijtimoiy mohiyatini ochib beradi. Mehnat - bu insonning o’zini anglash, jamiyatda o’z o’rnini topish, shaxsiy salohiyatni ro’yobga chiqarish vositasi sifatida talqin etiladi. Maqolada zamonaviy mehnat bozoriga mos keluvchi ta’lim modellari, “kasb vaucheri”, elektron bandlik platformasi kabi innovatsion yondashuvlar tahlil qilinadi. Tahlillar asosida bandlik siyosatining ijtimoiy rolini kuchaytirish yo’llari ko’rsatib beriladi.

Ушбу мақолада муаллиф томонидан амалдаги жиноят қонунида жиноятга дахлдорлик институтининг мавжуд ҳолати, унинг шакллари, ҳуқуқий белгиларининг турли талқинлари ва уларни такомиллаштириш зарурати илмий асосланган ҳолда ёритилган. Хусусан, мазкур институтнинг Жиноят кодексида алоҳида нормалар сифатида мустаҳкамланиши, жавобгарлик асосларининг аниқ белгиланиши ва жиноий жавобгарликни индивидуаллаштириш имкониятлари тадқиқ қилинган. Шунингдек, хорижий тажриба таҳлил қилиниб, миллий қонунчиликни такомиллаштиришга оид амалий таклиф ва тавсиялар илгари сурилган.

Bugungi kunda ijtimoiy tarmoqlardagi inflyuenserlar yoshlar orasida katta ta’sir kuchiga ega. Maqolada inflyuenser faoliyatining yoshlar ma’naviyati va axloqiga ijobiy va salbiy ta’sirlari ilmiy jihatdan tahlil qilindi. Tadqiqot metodlari, turli adabiyotlar tahlili va misollar asosida yoshlarning ma’naviy tarbiyasiga ta’sir etuvchi omillar o‘rganildi. 

Ushbu maqolada bugungi kunda zaminaviy information jamiyatda arxivlarni sotsial institut sifatidagi o’rni va ahamiyati haqida fikr yuritilgan. Arxiv tizimi sotsial boshqaruvda yangi texnologiyalarga, zamonaviy modernizatsion jarayonlarga ehtiyoj sezmoqda. Maqolada muallif shu masalalarga e’tibor qaratadi. Muallif maqolada arxivlarning ijtimoiy xotirani saqlashdagi ahamiyatini arxivlarning funksiyalari orqali ochib bergan.

Ushbu mаqоlа Оʻzbеkistоn Rеspublikаsining mаdаniy siyоsаtini siyоsаtshunоslik nuqtаi nаzаridаn оʻrgаnishgа bаgʻishlаngаn. Undа mаdаniy siyоsаtning jаmiyаtdа siyоsiy bаrqаrоrlik vа ijtimоiy birdаmlikni shаkllаntirishdаgi оʻrni аtrоflichа tаhlil еtilаdi. Mаmlаkаtdа аmаlgа оshirilаyоtgаn mаdаniy siyоsаtning аsоsiy tаmоyillаri chuqur оʻrgаnilib, ulаrning fuqаrоlik jаmiyаti institutlаrigа tаʼsiri vа siyоsiy ijtimоiylаshuvdаgi funksiyаlаri оchib bеrilаdi. Mаqоlаdа, shuningdеk, dаvlаtning “yumshоq kuch” strаtеgiyаsi оrqаli ijtimоiy kоnsеnsusgа еrishish mеxаnizmlаri hаm оʻrgаnilаdi.

Ushbu maqola Sovet Respublikasining o‘tkazgan qatag‘on siyosatinining so‘nggi bosqichi – “Paxta ishi”haqida. “Paxta ishi” yoki “O‘zbeklar ishi” nomi bulan yuritilgan voqea haqida so’z boradi. Qulab borayotgan SSSR ning barcha respublikalarida qo‘shib yozish,poraxo‘rlik kabi iqtisodiy jinoyatlar kuzatilgan bo‘lsa-da, O‘zbekistonni jazolashning “tajriba maydoni” deb tanlab olinishi kuzatildi. Bu kabi antigumanistik harakat xalqning noroziligiga sabab bo‘ldi va davlatga nisbatan ishonchsizlik kuchaydi. Bu kabi holatning kuzatilishi o‘zbek xalqining mustaqillikka erishishi bilan tutashib ketdi.

Maqolada axborot makonida ijtimoiy tarmoqlar jozibadorligi va yoshlar ongiga ta’sirining ijtimoiy-falsafiy jihatlari tahlil etiladi. Shu bilan birga, fuqarolik jamiyatidagi raqamli transformatsiya, axborot erkinligi va virtual munosabatlar sharoitida yoshlarning dunyoqarashi, madaniyati va faolligiga ijtimoiy tarmoqlar orqali ta’sir etish omillari haqida ham fikr yuritilgan. 

Мақолада коррупцияга қарши курашиш субъектлари таркибида фуқаролик жамияти институтларининг вакиллиги масалалари ҳудудий коррупцияга қарши курашиш кенгашлари мисолида кўриб чиқилган. Ўлчов воситаси сифатида фуқаролик жамияти институтларининг вакиллик коэффициенти таклиф этилган.

Мақоланинг янгилиги шундаки, унда фуқаролик жамияти институтлари вакиллигини мунтазам мониторинг қилиб бориш зарурлиги асослаб берилган. Ишда биринчи марта минтақавий номутаносибликлар кўриб чиқилган ва тегишли коррупцияга қарши курашиш субъектларида фуқаролик жамияти институтлари вакиллигининг минимал чегарасига оид талабни норматив жиҳатдан мустаҳкамлаш таклиф этилган.

Тадқиқот натижаларига кўра, коэффициентнинг ўртача қиймати 0,322 ни ташкил этиб, фуқаролик жамияти институтларининг ҳудудий кенгашлардаги вакиллигининг 32,2 фоизига тенг эканлиги аниқланди.

Тузилган хулосалар ва ишлаб чиқилган таклифлар коррупцияга қарши сиёсатни такомиллаштириш ва коррупцияга қарши кураш соҳасидаги норматив-ҳуқуқий базани янгилаш учун ишлатилиши мумкин. Таклиф етилаётган чора-тадбирларнинг амалга оширилиши коррупцияга қарши курашнинг асосий тамойилларидан бири сифатида давлат ва фуқаролик жамияти ўртасидаги ҳамкорликни мустаҳкамлаш ва ривожлантиришга хизмат қилади.

Ушбу мақолада Ўзбекистон олий таълим ташкилотларининг халқаро нуфузли рейтинг ташкилотлари - Quacquarelli Symonds World University Rankings, Times Нigher Education ёки Academic Ranking of World Universities рўйхатига кириш бўйича натижалари таҳлил қилинган. Сўнгги йилларда Ўзбекистондаги олий таълим ташкилотларидан иккитаси Топ-1000талик рўйхатга кирганлиги, ушбу кўрсаткич навбатдаги йилда янгиланиши муҳим натижа сифатида кўрсатилган.  

Ushbu maqolada Eron Islom Respublikasining mintaqaviy geosiyosiy muammolari — xavfsizlik, migratsiya, suv resurslari, xalqaro sanksiyalar va iqtisodiy izolyatsiya — Afg‘oniston omili orqali qanday yumshatilayotgani tahlil qilinadi. Eronning Afg‘onistondagi transmigratsiya, shia guruhlari, suv inqirozi, narkotik savdosi va xalqaro vositachilik siyosatidagi strategik yondashuvlari statistik va faktologik ma’lumotlar asosida yoritilgan. Maqola Eron-Afg‘oniston munosabatlarining hozirgi holati va istiqbollariga chuqur ilmiy baho beradi.

Ushbu maqolada axborot xavfsizligi tushunchasi, zamonaviy texnologik tahdidlar va ularning oqibatlari ochib berilgan. Shuningdek, ma’lumotlarni himoya qilish usullari, xalqaro tajriba va O‘zbekistonda axborot xavfsizligi bo‘yicha olib borilayotgan chora-tadbirlar ko‘rib chiqilgan. Shu bilan birga, global axborot maydonining tez rivojlanishi va globallashuv sharoitida yuzaga kelgan axborot xavfsizligi tahdidlari ijtimoiy-falsafiy nuqtai nazardan tahlil qilinadi. Qolaversa, maqolada axloqiy va ijtimoiy chora-tadbirlar ko‘rib chiqiladi.

Mazkur maqolada “Fatavai ahli Buxoro” asarida ilm va fiqh (Islom huquqi) masalalarining yoritilishiga doir masalalr tahli qilingan. Amir Shohmurod tomonidan fiqhiy fatvolar berishda qo’llanilgan metodologiya, dalil keltirish uslubi, shuningdek, Buxoro ulamolari o’rtasida shakllangan ijtimoiy-diniy muhit yoritib berilgan. Tadqiqot davomida asarda ilmga munosabat, ilm egalarining maqomi, fiqhiy masalalardagi tafsiliy yondashuv va hukm chiqarishda qo’llanilgan asosiy fiqhiy manbalar (Qur’on, hadis, ijmo’, qiyos) tahlil qilinadi. Ayniqsa, asardagi masalalar Buxoro diyorida kechgan tarixiy-fuqaro huquqlari, moliyaviy munosabatlar, shaxsiy hayot, meros, nikoh, jinoyat, va jazoga oid jihatlar bilan bog’langan holda bayon etilgan. “Fatavai ahli Buxoro” asari faqatgina diniy emas, balki ijtimoiy va huquqiy munosabatlarni tartibga soluvchi muhim hujjat sifatida baholanadi. Mazkur tadqiqot ushbu asarning tarixiy-fiqhiy ahamiyatini ochib berish, Buxoro fiqh maktabining o’ziga xos jihatlarini ko’rsatish va ulamolarning amaliy fatvo berishdagi yondashuvlarini o’rganishga qaratilgan.

Maqolada Toshkent viloyati, Parkent tumani “Yangi Sanganak” mahallasidan topilgan va Temuriylar tarixi davlat muzeyida saqlanayotgan temuriylar va shayboniylar davriga oid “Yangi Sanganak” xazinasidagi Andijonda zarb qilingan 34 dona mis tangalar 6 turga ajratib tavsiflangan. Tangalarning old tomoniga arab harflarida “zarb Andijon” yoki “zarb Andigan”, orqa tomoniga esa arab harflarida so‘z bilan ularning zarb qilingan yili tushirilganligi, tangalar temuriy shahzoda, Farg‘ona viloyati xokimi Umarshayx Mirzo davrida zarb qilinganligi, bu tangalarning bir qismi shayboniylar davridagi tanga-pul islohoti paytida qayta zarb urilib savdo-sotiq uchun muomalaga chiqarilganligi qayd qilingan.

Ikkinchi jahon urushidan keyingi davrlarda nazarida O‘zbekiston gazetalari ishlab chiqarishda band bo‘lgan aholining kommunistik “tashabbus”larini targ‘ib qilish bilan cheklanib qolmay, mafkuraviy ishlarni kuchaytirish bo‘yicha partiya tashkilotlari tajribasini ommalashtirishga katta e’tibor berdi. Matbuotda doimiy yoritilib borilgan eng asosiy xabarlar qishloq xo‘jaligiga oid bo‘lgan, ayniqsa paxta dalalaridan xabarlarga alohida e’tibor qaratilgan. Har bir viloyat miqyosida paxta ekilgandan yig‘ib olingunga qadar bo‘lgan mavsumiy ishlar, bu ishni amalga oshirishda asosiy rolni bajaruvchi MTSlar bilan bog‘liq bo‘lgan har qanday xabar chetda qolmagan. Maqolada O‘zbekiston matbutida Ikkinchi jahon urushidan so‘ng matbuotda yoritib borilgan jarayonlar, siyosiy-iqtisodiy ahamiyatga ega bo‘lgan voqealarning matbuotga ta’siri, gazetalarning qo‘shma sonlar tashkil etish bo‘yicha harakatlar va bu sonlarning mamunidan kelib chiqqan holda davlat ahamiyati darajasida asosiy o‘rinlarda turgan voqealarning mazmun-mohiyati ko‘rib chiqildi.

Ушбу мақолада Ўзбекистонда миллатлараро муносабатларга оид миллий сиёсатининг асосий жиҳатлари тарихий ва замонавий ёндашувлар билан кўрсатиб берилган. Унда 1991 йилдан бошлаб мамлакатдаги миллий сиёсатнинг амалга оширилишида фуқаролик жамияти институтларининг иштироки баён қилинган.  

Samarqandning muqaddas qadamjolari qadim zamonlardan beri shahar muhitining tuzilishi uchun hal qiluvchi ahamiyatga ega bo‘lgan. Ushbu maqolada Samarqand shahri topografiyasida mamuriy-xududiy o‘zgarishlar va yangi guzarlar shakllanishida muqaddas qadamjolarning o‘rni to‘g‘risidagi ma’lumotlar tahlil qilingan.

Ushbu maqolada XX asrning ikkinchi yarmidan boshlab O‘zbekiston savdo tizimi va faoliyati tarixiy-iqtisodiy jihatdan tahlil qilinadi. Tadqiqot sovet iqtisodiy siyosatining jamiyatga bo‘lgan ta’siri, hamda mustaqillikdan keyingi bozor iqtisodiyotiga o‘tish jarayonini qamrab olgan. Maqolada savdo tizimining rivojlanish bosqichlari va uning ijtimoiy ahamiyati ilmiy asoslangan. O‘rganilgan ma’lumotlar O‘zbekistondagi iqtisodiy hayot va o‘zgarishlarni tahlil qilishga yordam beradi.

Saylovlar demokratik jarayonning muhim belgilaridan biridir. Ular fuqarolar o‘z vakillarini tanlash imkoniyatiga ega bo‘lishini ta’minlaydi. Saylov jarayoni, shuningdek, siyosiy partiyalar va harakatlar o‘rtasidagi raqobatni ham aks ettiradi. Ushbu maqlada shu haqda fikr yuritilgan.

Ushbu maqolada Amir Temurning harbiy yurishlar tarixiy manbalar asosida tahlil qilinadi.  Kirish qismida Amur Temur yurishlari nafaqat harbiy, balki siyosiy, diniy, iqtisodiy maqsadlarda ham amalga oshirilganligi, ularning Oʻrta Osiyo va Yaqin Sharq tarixiga taʼsiri haqida umumiy maʼlumotlar berilgan.  Adabiyotlar tahlilida.Amur  Temurga oid muhim manbalar – “Zafarnoma” (Sharafiddin Ali Yazdiy), Ibn Arabshoh va Ruy de Klavixo asarlari, shuningdek, zamonaviy olimlar (B. F. Manz, M. E. Subtelniy, T. Allsen) tadqiqotlari qiyosiy tadqiq etilgan.  Turli manbalardagi  farqlar ilmiy asosda tushuntiriladi.   Natijalar bo‘limida Temurning harbiy yurishlari orqali hududning kengayishi, iqtisodiy boyligi, siyosiy markazlashuvi va islom mafkurasining mustahkamlanishi tahlil qilinadi.   Muhokama bo‘limida tarixiy manbalardagi tafovutlar, harakatlarning g‘oyaviy-siyosiy asoslari hamda ularning uzoq muddatli madaniy-tarixiy merosga ta’siri muhokama qilinadi.

Ushbu maqolada prokuratura organlari faoliyatini zamonaviy talablar asosida takomillashtirish va xizmat vazifalarini samarali amalga oshirishda sun’iy intellekt texnologiyalarining (SI) ahamiyati va zaruriyati, xususan, raqamli dalillarni to‘plash, tahlil qilish va markazlashgan holda boshqarishda sun’iy intellektni qo‘llashning o‘ziga xos jihatlari, shuningdek, Buyuk Britaniya, AQSh va Xitoy davlatlarida prokuratura faoliyatida sun’iy intellektdan foydalanish tajribasi va uning amaliy imkoniyatlari, sun’iy intellektni joriy etish bilan bog‘liq ehtimoliy xavf-xatarlar, inson huquqlari, ijtimoiy adolat, qadriyatlar va xavfsizlikni ta’minlashda xalqaro huquqiy va axloqiy reglamentlarni qo‘llash zaruriyati hamda chuqur tahlillar asosida milliy qonunchilikka mos aniq taklif va tavsiyalar ilgari suriladi.

Til- o’zlikni namoyon qilishning bir argumenti, ayniqsa u o’zingning millat tili bo’lsa.  Uning yo’q bo’lishi, o’sha millatning ko’p qutbli bo’lishiga olib keladi.  Buning natijasida, ma’lum bir yurtda yashovchi, etnik jihatdan ko’pchilikni tashkil qiluvchi birliklarning salmog’i katta bo’ladi.  Bu maqolada ilmiy ishimiz doirasida o’tkazilgan so’rovnoma natijalari tahlili hamda “Reklama to’g’risida”gi  qonunlarining ijrosini Xorazm viloyati doirasida  yoritilgan.

Ushbu maqolada mehnat shartnomasi va fuqarolik-huquqiy shartnomaning huquqiy tabiati, ularning tuzilishi, taraflarning huquq va majburiyatlari, shartnoma mazmuni hamda huquqiy oqibatlari tizimli ravishda tahlil qilinadi. Mehnat shartnomasi mehnat munosabatlarini vujudga keltirishdagi asosiy huquqiy vosita sifatida, fuqarolik-huquqiy shartnoma esa tovarlar yetkazib berish, xizmatlar koʻrsatish va muayyan ish bajarish kabi munosabatlarni tartibga solishdagi ahamiyati nuqtayi nazaridan oʻrganiladi. Maqolada ikki shartnoma turi oʻrtasidagi oʻxshash va farqli jihatlar qonunchilik meʼyorlari hamda sud amaliyoti asosida taqqoslama tahlil qilinib, ularni notoʻgʻri qoʻllashdan kelib chiqishi mumkin boʻlgan huquqiy muammolar yoritilgan. Shuningdek, Oʻzbekiston qonunchiligini takomillashtirish va amaliyotdagi mavjud ziddiyatlarni bartaraf etish boʻyicha taklif va tavsiyalar berilgan.

Mazkur maqolada oilaviy qadriyatlar tushunchasining nazariy asoslari va ularning jamiyat hayotidagi o‘rni atroflicha o‘rganilgan. Tadqiqotda qadriyatlar tizimining shakllanishi, avlodlararo o‘zgarishi, an’anaviy va zamonaviy qadriyatlar o‘rtasidagi muvozanat, hamda bu qadriyatlarning oilaviy barqarorlik va ijtimoiy integratsiyaga ta’siri tahlil qilingan. Statistik ma’lumotlar, so‘rovnoma natijalari va xalqaro tajribalar asosida O‘zbekiston jamiyatida oilaviy qadriyatlarning ahvoli chuqur o‘rganilib, muammo va imkoniyatlar aniqlangan. Xususan, ajrim ko‘rsatkichlari, yoshlar orasidagi qadriyatlar tafovuti, va davlat siyosatining oilani qo‘llab-quvvatlashdagi roli muhokama qilingan. Maqola yakunida qadriyatlarni mustahkamlash bo‘yicha tavsiyalar ilgari surilgan.

Ushbu maqolada Yangi Oʼzbekistondagi ijtimoiy-falsafiy gʼoyalar tizimining barqarorligi va oʼzgaruvchanligi dialektikasi tushunchasi va uning namoyon boʼlish xususiyatlari batafsil yoritilgan bo’lib, ijtimoiy jamiyatni yangilash yangicha nigoh bilan qarashning zarurati va bu zaruratga xizmat qiluvchi omillar batafsil keltirib o‘tilgan. Maqolada bugungi O‘zbekistonning taraqqiyot islohatlari ham keltirib o‘tilgan.

Мазкур мақола жамоавий шикоят институтини маъмурий суд иш юритувида жорий қилишнинг асосий мезонларини ҳамда бу моделларнинг халқаро тажрибасини таҳлил қилади. Автор жамоавий шикоятнинг ҳуқуқий асослари, унга бўлган талаблар ва моделларини турли мамлакатлар — Франция, Германия, Испания, Бразилия, Европа Иттифоқи ва бошқалар мисолида кўриб чиқади. Шунингдек, жамоавий шикоятларни кимлар бериши мумкинлиги, шаклланиш тартиби (кириш ёки чиқиш моделлари), ҳуқуқларни ҳимоя қилиш усуллари ва шартлари бўйича мезонлар тўғрисида фикрлар билдирилади. Мақолада шuningdek, жамоавий шикоят институтини жорий этишдаги муаммолар ва тавсиялар ҳам муҳокама қилинади. Таҳлил натижасида, бу моделларнинг ҳуқуқий тизимлардаги ўрни ва таъсирлари, шунингдек, уларни самарали қўллаш йўллари хусусида фикрлар билдирилади.

Мақолада “шаҳар муҳити тушунчаси”, атроф-муҳит ҳамда одамларга бўлган таъсири ёритилди. Мустақиллик даврида шаҳар муҳитидаги ўзгаришлар ҳамда миллий санъатнинг тарихий маданий меросини англаш тақдим этилган.

O’zbek davlatchiligi tarixida muhim o’rin tutgan shaxs – Muhammad Shayboniyxonning murakkab va sermazmun hayot yo’lini o’rganish muhim ahamiyatga ega. Ushbu maqolada Shayboniyxon bir tomondan jasur sarkarda, yirik siyosatchi, ikkinchi tomondan esa ijodkor, ma’rifatparvar siymo sifatida tasvirlanadi. Shayboniyxonning shoir sifatidagi ijodiy merosi, tasavvuf va adabiyotga bo’lgan munosabati, “Devon”i dagi falsafiy qarashlari ham alohida e’tiborga olinadi. Shuningdek, maqolada asar tarixiy haqiqat va badiiy mushohoda uyg’unligida yaratilgan bo’lib, Shayboniyxon siymosi orqali tarixiy shaxslarning ko’p qirrali tabiati ochib beriladi.

Mazkur maqolada  turmush tarzi tushunchasi, uning genezisi , etnomadaniy hayotga ta’siri, turmush tarzining mohiyati, mazmuni ochib berilgan. Ma’lumki, har qanday etnik birlikning turmush tarzida xalqning uzoq davrlar davomida yaratgan ma’naviy va moddiy boyliklari, o‘zini qurshab turgan muhit va kelajak haqidagi tasavvurlari, qarashlari, milliy etnik belgilari, mentaliteti, urf-odatlari, an’ana-yu yashash tarzi o‘z ifodasini topadi. Turmush tarzi xalq, millat, etnosning ijtimoiy tarixiy taraqqiyoti jarayonida shakllantirilgan hayot kechmishlari majmuidir. Shuningdek, maqolada turmush tarzi mavzusida sharq va g’arb olimlarining ilmiy yondashuvlari haqida ham fikr yuritiladi, milliy turmush tarzining mohiyati, mazmuni, bugungi kunda turmush tarzida sodir bo'layotgan o'zgarishlarni tahlil qilinadi.

Мазкур мақолада халқ дипломатиясининг назарий типологияси шакллантирилиб, унинг ташаббус келиб чиқиш йўналиши (пастдан-юқорига ва юқоридан-пастга) ҳамда ҳукумат сиёсатига нисбатан муносабати (тўлдирувчи, қўшимча, мухолиф) асосида тасниф этилади. Шунингдек, мулоқот векторлари ва уларнинг ташқи сиёсатга таъсир доиралари таҳлил қилинади. Типология асосида икки ўлчамли модел яратилиб, замонавий жамоатчилик дипломатиясидаги мураккаб муносабатлар тизими назарий жиҳатдан асослаб берилади. Тадқиқот халқаро муносабатлар ва ташқи сиёсатда P2P ташаббусларнинг ўрнини аниқлашда муҳим аҳамиятга эга.

Маълумки, оила жамият ёки давлатнинг яхлит равнақини ўзида намоён қилувчи масканлардан бири ҳисобланади. Унинг ажралмас, жоиз бўлса энг муҳим аъзоси албатта бу аёлдир. У бир вақтнинг ўзида ҳам аёл, ҳам рафиқа, ҳам она сифатида турмушдаги кўплаб мажбуриятларни ўз зиммасига олади. Афсуски, амалда хотин-қизлар халқаро ва миллий ҳуқуқий нормаларда белгиланган ҳуқуқлардан ҳар доим ҳам фойдаланаверишмайди. Шу сабабли ҳозирги кунда халқаро даражада ҳам, миллий даражада ҳам аёллар ҳуқуқини ва қонуний манфаатларини химоя қилиш долзарб мавзуга айланмоқда. Мазкур мақолада муаллифлар танланган мавзу бўйича олимларнинг фикр-мулоҳазаларини, аёлларнинг қонуний манфаатлари, конституцион ҳуқуқлари ва уларнинг манфаатларига қаратилган бир нечта халқаро ҳуқуқий ҳужжатларни таҳлил қилишга уриниб кўришган. Шунингдек, ҳорижий давлатларнинг оиладаги зўровонликлардан хотин-қизларни ҳимоя қилишга қаратилган қонунчилиги, процессуал нормалари ва бошқа материаллари ҳам кўриб чиқилган.

Ushbu maqolada terrorizm va ekstremizm muammosi, uning global va mintaqaviy xavfsizlikka, xususan, Afg‘oniston va Pokiston xavfsizligiga ta’siri to‘g‘risida atroflicha so‘z yuritiladi. “Dyurand chizig‘i” hududida qo‘nim topgan terroristik-ekstremistik guruhlar faoliyati batafsil yoritiladi. Shuningdek, mazkur maqolada deobandiylik va uni kelib chiqishi, “Tolibon” harakatini shakllanishi, qolaversa, AQSh va Xitoy kabi yirik aktorlarning mintaqadagi terrorizmga qarshi kurashdagi o‘rni va roli haqida bayon etiladi.