Mazkur maqolada xavfsizlikni texnokratik talqinlar doirasidan chiqarib, uni insonning raqamli subyektligi, avtonomiyasi va identifikatsiyasining himoyalanganlik holati sifatida tushunish zarurati asoslab beriladi. M. Fuko, Yu. Xabermas va M. Kastels konsepsiyalarining sintezi asosida shaxsga nisbatan raqamli tahdidlarning hukumatga oid, kommunikativ va tarmoq mexanizmlari, jumladan algoritmik nazorat, identiklikning fragmentatsiyasi hamda axborot hukumatidagi asimmetriya ochib beriladi. Shaxs nafaqat himoya obyekti, balki o‘z axborot xavfsizligini ta’minlash jarayonlarining faol ishtirokchisi sifatida namoyon bo‘lishi ko‘rsatib beriladi. Shaxs, davlat, jamiyat va raqamli texnologiyalar o‘rtasidagi o‘zaro ta’sirga asoslangan subyektga yo‘naltirilgan konseptual model taklif etiladi, bu esa xavfsizlikni raqamli savodxonlik darajasi, institutlar yetukligi hamda subyektning kommunikativ avtonomiyasini saqlash sharoitlariga bog‘liq bo‘lgan dinamik jarayon sifatida talqin etish imkonini beradi.

Мақолада бугунги замонавий шароитда ёшларнинг жамиятнинг турли соҳаларида фаоллиги ва ижтимоийлашув хусусиятларини шаклланиши тадқиқ  қилинган, уни янада такомиллаштириш  бўйича тавсия ва тавсифлар берилган.

Maqolada yoshlar mehnat madaniyatini yuksaltirishda ijtimoiy, falsafiy va etik omillar o‘rganiladi. Madaniyat, shaxsiy mas’uliyat va jamoat manfaatlari uyg‘unligi mehnat samaradorligi va professional etika bilan chambarchas bog‘liqligi ta’kidlanadi. Shuningdek, turizm sohasidagi mutaxassislarning kasb axloqi va ijtimoiy mas’uliyati va rahbarlarning faoliyatida intizom va tanqidiy tahlil ahamiyati muhokama qilinadi.

Ushbu maqolada Markaziy Osiyo mintaqasidagi geosiyosiy o‘zgarishlar, davlatlararo muloqotning yangi institutsional shakllari va diplomatik vositalarning mintaqaviy barqarorlikni ta’minlashdagi o‘rni tahlil qilinadi. Tadqiqotda mintaqaviy integratsiya jarayonlari, transport-logistika diplomatiyasi, suv-energetika hamkorligi hamda tashqi aktorlar bilan “S5+” formatidagi muloqotlarning rivojlanish tendensiyalari yoritib berilgan.

Ushbu maqolada biotibbiyot innovatsiyalarining shakllanishi va rivojlanishida falsafiy-metodologik yondashuvlarning o‘rni tahlil qilinadi. Biotibbiy texnologiyalarni yaratish va joriy etish jarayonida ilmiy bilish metodlari, axloqiy tamoyillar va falsafiy qarashlarning ahamiyati ochib beriladi. Tadqiqot davomida biotibbiyot sohasida innovatsion faoliyatning metodologik asoslari, ilmiy tafakkur rivoji va inson salomatligi bilan bog‘liq mas’uliyatli qarorlarning falsafiy jihatlari yoritiladi.

Mazkur maqolada tasavvuf ta’limotining shakllanish jarayonida yunon falsafasi, xususan neoplatonizm g‘oyalarining ta’siri ilmiy-nazariy jihatdan tahlil qilinadi. Tadqiqotda tasavvufning dastlabki zohidlik harakati sifatida vujudga kelishi, keyinchalik esa ontologik va gnoseologik qarashlarga ega bo‘lgan keng qamrovli irfoniy-falsafiy ta’limotga aylanishi masalalari yoritiladi. Shuningdek, yunon falsafasining islom olamiga kirib kelishi, tarjima harakati va uning tasavvuf tafakkuriga ko‘rsatgan ta’siri tahlil etiladi. Neoplatonizmning emanatsiya, mutlaq borliq, ruhiy kamolot va bilishning intuitiv shakllari haqidagi qarashlari tasavvufdagi vahdat ul-vujud, tajalli va ma’rifat tushunchalari bilan qiyosiy jihatdan o‘rganiladi. Maqolada tasavvufni faqat tashqi ta’sirlar mahsuli sifatida talqin qilish biryoqlamaligi tanqid qilinib, uni islomiy va irfoniy an’analar doirasida shakllangan murakkab falsafiy hodisa sifatida baholash zarurligi asoslanadi.

Mazkur maqolada Yangi O‘zbekistonda ekologiyani muhofaza qilish sohasida amalga oshirilayotgan davlat siyosati, mavjud ekologik muammolar hamda ularni bartaraf etish mexanizmlari ilmiy jihatdan tahlil qilinadi. Tadqiqot jarayonida tarixiy-tahliliy, statistik va normativ-huquqiy usullardan foydalanildi. Natijalar ekologik boshqaruv tizimining isloh qilinishi, yashil iqtisodiyotga o‘tish jarayonlarining jadallashuvi, Orolbo‘yi hududini tiklash bo‘yicha amalga oshirilayotgan dasturlar samaradorligini ko‘rsatadi. Shu bilan birga, sanoat ifloslanishi, suv resurslaridan samarasiz foydalanish va ekologik madaniyatning yetarli darajada rivojlanmaganligi asosiy muammo sifatida aniqlanadi. Maqolada ekologik barqarorlikni ta’minlash uchun innovatsion texnologiyalarni joriy etish, huquqiy mexanizmlarni kuchaytirish va jamoatchilik ishtirokini kengaytirish bo‘yicha takliflar ilgari suriladi.

Maqolada ijtimoiy ongning virtual transformatsiyasi - bu zamonaviy axborot texnologiyalarining ta’sirida yuzaga kelayotgan subyektivlik, identitet va madaniy xavfsizlik kategoriyalarining qayta shakllanish jarayoni sifatida tadqiq etilgan. Bu jarayon, avvalo, subyektivlikni mustaqil ichki fenomen emas, balki raqamli media vositalari orqali ijtimoiy konstruksiya qilinayotgan tashqi omillarga qaram bo‘lgan holatga aylantiradi. Shu ma’noda, ijtimoiy ongda yuz berayotgan virtual transformatsiya subyektni o‘z mohiyatidan ajratib, uni doimiy algoritmik identifikatsiyaga moyil bo‘lgan, tarmoqlangan shaklda ifodalanishi ham o‘rganilgan.

This article studies the theoretical and methodological foundations of the development of techno-aesthetic culture in students, the methodological support for the development of techno-aesthetic culture in students on the example of philosophical disciplines, the effectiveness of the development of techno-aesthetic culture in students on the basis of philosophical disciplines. Also, the theoretical aspects of the development of techno-aesthetic culture in students are analyzed.

Ushbu maqola dunyodagi raqamli pullarni huquqiy tartibga solishning tavsifiga bag'ishlangan va Tojikiston o'zining yangi pul shaklini tan olish, alohida toifalarni (CFAS - raqamli moliyaviy aktivlar) yaratish va tartibga solish modellarini — ruxsat berishdan (litsenziyalashdan) taqiqlanishgacha, markazlashtirilgan nazoratga e'tibor qaratish., ishtirokchilarni aniqlash va pul yuvishga qarshi choralar, asosiy vazifa xavfsizlik, shaffoflik va moliya tizimiga integratsiyani tartibga soluvchi organ funktsiyalarini yo'qotmasdan ta'minlashdir.

Ushbu maqolada Sharq mutafakkirlarining ma’rifiy-axloqiy qarashlari, ularning ta’lim-tarbiya haqidagi g‘oyalari hamda mazkur qarashlarning yoshlar tarbiyasidagi o‘rni tahlil qilinadi. Muhammad al-Xorazmiy, Abu Bakr al-Xorazmiy, Abu Rayhon Beruniy, az-Zamaxshariy, Pahlavon Mahmud, Roqim, Ogahiy, Komil Xorazmiy, Ahmad Tabibiy, Avaz O‘tar kabi mutafakkirlarning ilm, axloq, tarbiya, insonparvarlik, adolat va ustoz-shogird munosabatlari haqidagi qarashlari ilmiy-nazariy jihatdan yoritilgan. Tadqiqotda Sharq allomalari merosining zamonaviy ta’lim tizimida qo‘llash imkoniyatlari ham ko‘rsatib beriladi. Maqolada mutafakkirlarning ilm-ma’rifatga da’vati, yoshlar kamolotida axloqiy tarbiyaning o‘rni va inson fazilatlarini shakllantirish bo‘yicha ilg‘or g‘oyalari tahliliy yondashuv asosida ochib berilgan.

Мақолада Ўзбекистоннинг космоген, техноген ва антропоген цивилизацияларга интеграциялашиш имкониятлари таҳлил қилинади. Мамлакатнинг илмий-техник салоҳияти, геостратегик аҳамияти ва глобал ҳамкорлик истиқболлари асосида интеграция жараёнлари босқичма-босқич ва тинч йўл билан амалга оширилишига эътибор қаратилган. Шунингдек, бу жараённинг мамлакатнинг халқаро нуфузини ошириш, иқтисодий ва экологик барқарорликни таъминлашдаги аҳамияти кўриб чиқилади.

Ushbu maqola XX asr boshlarida Turkistonda jadid maktablariga qarshi olib borilgan siyosiy va mafkuraviy “hujum”lar tarixini o‘rganadi. Maqolada jadid maktablarining milliy-ma’rifiy ahamiyati, sovet ideologiyasi bilan to‘qnashuvi va bu ziddiyatning O‘zbekiston ta’lim tizimi taraqqiyotiga ta’siri ko‘rib chiqiladi. Metodologik jihatdan tadqiqot tarixiy manbalar, ilmiy adabiyotlar va arxiv hujjatlari tahlilga asoslangan. Natijalar shuni ko‘rsatadiki, jadid maktablariga qarshi “hujum” nafaqat pedagogik, balki keng miqyosli siyosiy-mafkuraviy kampaniya bo‘lib, milliy ta’limning yo‘q qilinishiga olib kelgan.

Мақола эрамизнинг IX-XII асрларида Сирдарё бўйидаги Ўғуз давлати таркибида бўлган 24 қадимги ўғуз уруғларидан бири - Чавулдур уруғидан топонимлар сифатида қолган изларини аниқлашга бағишланган. Унда Қозоғистондаги Шавилдир, Шавғар (ҳозирги Туркистон) каби шаҳарлар ҳамда Шалдар қишлоғининг номлари шу уруғ ва унинг тармоқлари номидан келиб чиққанлиги ҳақида хулоса қилинган.

Mazkur maqolada Oʻzbekiston Respublikasida elektron boshqaruv tizimi doirasida jamoatchilik nazoratini amalga oshirishning amaldagi huquqiy asoslari tahlil qilinadi. Shuningdek jamoatchilik nazoratining samaradorligini oshirishga toʻsqinlik qilayotgan muammolar hamda ularni bartaraf etish boʻyicha takliflar ilgari suriladi.

Mazkur maqolada jamiyat ijtimoiy tuzilmasida yoshlar fenomenini talqin etishga doir asosiy nazariy yondashuvlar tahlil qilinadi. Strukturaviy-funksional, konfliktologik, interaksionistik hamda sotsiomadaniy konsepsiyalar doirasida yoshlarning jamiyatdagi o‘rni va ijtimoiy maqomi izohlanadi. Shuningdek, globallashuv va raqamli transformatsiya sharoitida yoshlar ijtimoiylashuvi jarayonining o‘ziga xos jihatlari ochib beriladi. Tadqiqot natijalari yoshlarga oid ilmiy-nazariy qarashlarni tizimlashtirish hamda zamonaviy jamiyatda yoshlar siyosatini takomillashtirishga xizmat qiladi.

Ushbu maqolada Orol dengizining qurib borishi natijasida yuzaga kelgan ekologik falokat hamda uning mintaqaviy va global oqibatlari tahlil qilinadi. Orol dengizi fojiasi Markaziy Osiyodagi eng yirik ekologik muammolardan biri bo‘lib, atrof-muhit, iqtisodiyot, sog‘liqni saqlash va ijtimoiy sohalarga salbiy ta’sir ko‘rsatmoqda. Maqolada zamonaviy yondashuvlar asosida ekologik mas’uliyat tushunchasi ko‘rib chiqilib, barqaror rivojlanish, transchegaraviy suv resurslarini boshqarish, ekologik xavfsizlik va xalqaro hamkorlikning o‘rni yoritib beriladi. Shuningdek, Orolbo‘yi mintaqasida amalga oshirilayotgan ekologik tiklash loyihalari, ularning samaradorligi va istiqbollari muhokama qilinadi. Tadqiqot natijalari ekologik muammolarga barqaror yechimlar topishda zamonaviy yondashuvlarning dolzarbligini hamda ekologik ongni oshirish zarurligini ko‘rsatadi.

Mazkur maqolada milliy o‘zlikning jamiyat barqarorligi hamda fuqarolik birdamligini mustahkamlashdagi integrativ funksiyasi ilmiy-nazariy jihatdan tahlil qilinadi. Milliy o‘zlik ijtimoiy guruhlar, avlodlar va hududlar o‘rtasida umumiy maqsad hamda qadriyatlar maydonini shakllantiruvchi “birlashtiruvchi resurs” sifatida talqin etiladi. Tadqiqotda integrativ funksiyaning asosiy mexanizmlari — umumiy tarixiy xotira va ramzlar, davlat fuqaroligi identiteti, ijtimoiy ishonch, ma’naviy me’yorlar, bag‘rikenglik va muloqot madaniyati orqali namoyon bo‘lishi asoslab beriladi. Shuningdek, globallashuv va axborot xurujlari sharoitida milliy o‘zlikning himoya (rezistent) funksiyasi fuqarolik birdamligini saqlash, ijtimoiy ziddiyatlar profilaktikasi hamda siyosiy barqarorlikni qo‘llab-quvvatlash omili sifatida yoritiladi. Maqola yakunida milliy o‘zlikni integrativ salohiyatini kuchaytirishga xizmat qiluvchi konseptual yo‘nalishlar va amaliy tavsiyalar umumlashtiriladi.

Ушбу мақолада ижтимоий-цивилизациявий тараққиёт тушунчаси, илмий талқинлари ва моҳияти таҳлил қилинади. Тадқиқотнинг марказида формацион ёндашув, босқичма - босқичли тараққиёт, тарихий типологик ёндашув, хронологик ёндашув, глобал, регионал ва локал ёндашув,  маданий-хўжалик типлари, ижтимоий-цивилизациявий ёндашув таҳлили туради. Мақолада кенг таҳлиллар, тарихий мисоллар, сиёсий стратегиялар, глобал сиёсат ва Евроосиёнинг дунё ҳукмронлиги учун аҳамияти ёритилган. Ижтимоий-цивилизациявий тараққиёт тушунчаси замонавий социологик, иқтисодий ва сиёсий тадқиқотларда инсон жамиятининг тарихий йўналишини тушунишда муҳим концептуал восита бўлиб қолмоқда. Ушбу мақолада келтирилган ижтимоий-цивилизациявий тараққиёт тушунчаси бир вақтнинг ўзида жамиятнинг ўзгариш механизмларини ва келажакдаги ривожланиш йўналишларини белгилайди.

Maqolada islom sivilizatsiyasining muhim ma’naviy-intellektual oqimlaridan biri bo’lgan sufiylikning ijtimoiy-falsafiy g’oyalari tahlil qilinadi. Sufiy mutafakkirlarining inson, jamiyat, ijtimoiy adolat, axloq va hokimiyat haqidagi qarashlari yoritiladi. “inson al-komil” kosepsiyasi, ma’naviy tenglik, birodarlik va gumanizmg’oyalariga alohida alohida e’tibor qaratiladi. Sufiylik jamiyatda axloqiy me’yorlarni shakllantirish va ijtimoiy birdamlikni ta’minlashda muhim omil bo’lib xizmat qilgani asoslab beriladi. Muallif sufiylikning ijtimoiy-falsafiy merosi bugungi globallashuv va qadriyatlar inqirozi sharoitida ham dolzarbligini saqlab qolayotganini ta’kidlaydi.

Mazkur maqolada O‘zbekistonda ta’lim tizimi rivoji va inson kapitalini shakllantirish jarayonlari tarixiy hamda zamonaviy nuqtai nazardan tahlil qilinadi. Tadqiqotda sovet davrida ta’lim tizimining markazlashgan va mafkuraviy xususiyatlari hamda mustaqillik yillarida ta’lim siyosatida yuz bergan tub o‘zgarishlar qiyosiy yondashuv asosida o‘rganilgan. Maqolada mustaqillik davrida amalga oshirilgan ta’lim islohotlarining inson kapitali rivojiga ta’siri, uzluksiz ta’lim tizimining shakllanishi, oliy ta’lim qamrovining kengayishi hamda ta’lim tizimi bilan mehnat bozori o‘rtasidagi integratsiya jarayonlari ilmiy jihatdan tahlil etilgan. Shuningdek, ta’lim sohasida mavjud muammolar va ularning inson kapitalini rivojlantirish jarayoniga ta’siri aniqlangan. Tadqiqot natijalari O‘zbekistonda ta’lim tizimini rivojlantirish inson kapitalini mustahkamlash va barqaror ijtimoiy-iqtisodiy taraqqiyotni ta’minlashning muhim strategik omili ekanligini ko‘rsatadi

Ushbu maqolada O‘zbekistonning qadimiy hunarmandchilik turlaridan biri – kulolchilik san’ati tarixiy-folklorik ildizlari, texnologik xususiyatlari, mahalliy maktablari va zamonaviy rivojlanishi ilmiy nuqtai nazardan tahlil etiladi. Xususan, Nuh payg‘ambar (alayhissalom) bilan bog‘liq xalq rivoyatlari va sufiy an’analardagi “Kulolchilik risolasiga” o‘xshash folklorik matnlar asosida hunarning ma’naviy asoslari yoritiladi. Arxeologik va etnografik tadqiqotlar, klassik ilmiy manbalar hamda zamonaviy maqolalarga asoslanib, kulolchilikning madaniy-merosiy ahamiyati ta’kidlanadi.

Mazkur maqolada globallashuv sharoitida yoshlar musiqiy didini shakllantiruvchi asosiy omillar va ularning amal qilish mexanizmlari falsafiy tahlil qilinadi. Zamonaviy axborot makoni, ommaviy madaniyat, raqamli texnologiyalar hamda madaniyatlararo muloqot yoshlar estetik ongiga kuchli ta’sir ko‘rsatmoqda. Tadqiqotda musiqiy did shaxs ma’naviy kamoloti va madaniy identifikatsiyasining muhim ko‘rsatkichi sifatida talqin etiladi. Maqolada musiqiy didni shakllantirishda ijtimoiy-madaniy muhit, ta’lim tizimi va milliy musiqa merosining o‘rni tahlil qilinadi. Tadqiqot natijalari yoshlar musiqiy didini rivojlantirishda tizimli va falsafiy yondashuv zarurligini ko‘rsatadi.

Mazkur maqolada intellektual o‘yinlarning shaxsning ilmiy tafakkurini shakllantirish va rivojlantirishdagi konstruktiv funksiyalari tahlil qilinadi. Tadqiqotda intellektual o‘yinlar bilim olish jarayonini faollashtiruvchi, mantiqiy fikrlashni mustahkamlovchi va kreativ yondashuvni rag‘batlantiruvchi innovatsion pedagogik vosita sifatida talqin etiladi. Shuningdek, ilmiy tafakkur va o‘yin faoliyati o‘rtasidagi kogerent bog‘liqlik ontologik va epistemologik yondashuvlar asosida yoritiladi. Maqolada zamonaviy ta’lim tizimida intellektual o‘yinlardan foydalanishning metodologik asoslari ochib berilib, ularning ta’lim sifati va yoshlarning intellektual salohiyatini oshirishdagi ahamiyati asoslab beriladi.

Mazkur ilmiy maqolada jamoat xavfsizligini ta’minlash jarayonida ichki ishlar va Milliy gvardiya organlari tomonidan o‘qotar qurolni qo‘llashning huquqiy asoslari tahlil qilingan. Ilmiy maqolada majburlov choralarini qo‘llashdan avval shaxsni ogohlantirish instituti xalqaro va milliy huquq normalari asosida o‘rganilgan. Milliy qonunchilikda ushbu talabning yetarli darajada normativ mustahkamlanmaganlik jihatlari aniqlangan. Shuningdek, ogohlantirish berishda inson huquqlarini ta’minlash va jamoat xavfsizligini mustahkamlashdagi ahamiyati asoslab berilgan va qonunchilikni takomillashtirishga doir ilmiy xulosalar va takliflar ilgari surilgan.

Mazkur maqola atoqli germenevtik falsafiy qarashlar nazariyotchilaridan biri bo‘lgan Gadamerning ilmiy me’rosi asosida muloqot etikasi muammolarini tadqiq etadi. Gadamerning mulohazalari bugungi davr nutq etikasi, ijtimoiy munosabatlaridagi murakkab qirralarni ochib beradi va nazariy, amaliy ahamiyatini yo‘qotmaganligi uchun ham dolzarb ahamiyatga ega. Maqolada Gadamerning germenevtik qarashlari orqali muloqot konfliktlarini yechish va samarali yondashuv asosida hal etish uchun ilgari surilgan argumentlar tahlilining muhim jihatlari tavsiflangan.

Mazkur maqolada diniy va ilmiy bilish tizimlarida virtuallik fenomenining falsafiy-metodologik asoslari qiyosiy tahlil qilinadi. Zamonaviy axborot makoni va raqamli texnologiyalar sharoitida virtuallik inson tafakkuri, idrok va bilish jarayonlariga yangi mazmun baxsh etayotgani asoslanadi. Diniy bilishda virtuallik ramziy-majoziy tafakkur, transsendent haqiqatni anglash va ruhiy tajriba bilan bog‘liq bo‘lsa, ilmiy bilishda u modellashtirish, simulyatsiya va sun’iy intellekt asosidagi bilish usullari orqali namoyon bo‘lishi ko‘rsatib beriladi. Maqolada virtuallikning ontologik va gnoseologik jihatlari yoritilib, ularning zamonaviy tafakkur taraqqiyotiga ta’siri ochib beriladi.