Maqola Rishton shahrining arxeologik obidalari va etnoturizm rivojidagi ahamiyatini o‘rganadi. Rishtondagi qadimiy maqbaralar va yodgorliklar, masalan, Sohibi Xidoya maqbarasi va Suratisoy yodgorligi va boshqa tarixiy topilmalarning etnoturizmni rivojlantirishda muhim rol o‘ynashi yoritiladi. Arxeologik topilmalar, tarixiy obidalar va qazishmalar nafaqat madaniy merosni saqlash, balki turistlar va mahalliy aholi o‘rtasida aloqalarni rivojlantirishga yordam berishi etnoturizmning iqtisodiy va madaniy ahamiyatida Rishtondan foydalanish kabi jihatlar maqolada tahlil etiladi.

Мақолада “этнотуризм” тушунчасинини илмий жиҳатдан таҳлили ҳамда уни Ўзбекистонда ривожлантиришга доир имкониятлар Риштон, Чуст, Янги¬қўрғон ва Бойсун туманлари мисолида очиб берилган. Шунингдек, унда Тошкент давлат шарқшунослик университетида ушбу соҳада амалга оширилаётган амалий ишларнинг сарҳисоби, этнотуризмнинг ривожлантириш йўналишлари ҳамда соҳанинг кейинги ривожлани-шига доир таклиф ва тавсиялар баён қилинган.

Ushbu maqolada Namangan viloyati, Yangiqo‘rg‘on tumani, Nanay qishlog‘ida tayyorlanadigan “xamir soldi” taomining nommoddiy madaniy meros, shuningdek, turizmning rivojlantirishdagi lokal atributlik xususiyati tadqiq etilgan. Taomning o‘ziga xos tayyorlanish uslubi, mazasi hamda hudud tabiatiga uyg‘unligi mamlakatimizning ichki va tashqi turizmning barqaror rivojlanishiga o‘z xissasini qo‘shib kelmoqda. Nanayda tayyorlanadigan “xamir soldi” taomini tayyorlash bilan bog‘liq mahalliy an’analarni kengroq o‘rganish va targ‘ib qilish tuman etnoturizm salohiyatini yanada rivojlantirish omillaridan biri hisoblanadi.

Мазкур мақолада оммавий халқ ўйинларидан улоқ-кўпкари ўйини билан боғлиқ минтақадаги меҳмондўстлик анъаналари, таомлари, тартиби ва одатлари этнотуризм ривожланишидаги омил сифатида асосланган.

Ushbu maqolada O‘zbekiston sharoitida etnomadaniy turizmni rivojlantirish istiqbollari tahlil qilingan. Xususan, o‘lkamizning muhim tarixiy-etnografik mintaqalaridan bir bo‘lgan Jizzax vohasining etnoturistik imkoniyatlari etnologik ma’lumotlar tahlili asosida ochib berilgan.

Maqolada turizmning innovatsion rivojlanishi sharoitida sodir bo‘layotgan o‘zgarishlarning turizm salohiyatiga ta’siri hamda mehmonxona faoliyatiga innovatsiyalarni joriy qilishda xorij tajribasi ko‘rib chiqiladi. Innovatsiya turlaridan mehmonxona faoliyatida raqobatbardoshlikni ta’minlashda foydalanish omili tavsiflangan.

Maqolada Markaziy Osiyo mintaqasida transchegaraviy etnoturizmni rivojlantirish istiqbollari tahlil qilinadi. Mintaqaning boy madaniy va tarixiy merosi etnoturizm uchun ulkan salohiyat yaratishi qayd etiladi. Etnoturizm orqali xalqlar o‘rtasida madaniy almashinuvni kuchaytirish, umumiy tarixiy yodgorliklarni saqlash va mintaqaviy hamkorlikni mustahkamlash mumkin. Shuningdek, infratuzilmani takomillashtirish, raqamli texnologiyalarni joriy etish va turizm obyektlarini global targ‘ib qilish kabi tadbirlarni amalga oshirish orqali xalqaro turistik bozorda mintaqaning raqobatbardoshligini oshirish muhokama qilinadi.

Ushbu maqolada Namangan viloyati, xususan Chortoq tumanidagi muqaddas ziyoratgohlar va ularning tarixiy ahamiyati yoritilgan. Asosan Sulton Sayyid avliyo, Alkom acha va Tolmozor ziyorat-gohlariga kabi muqaddas joylariga e’tibor qaratilgan. Tadqiqotlar davomida mazkur ziyoratgohlar bilan bog‘liq og‘zaki va yozma ma’lumotlar to‘plangan, ularning xalq orasidagi o‘rni va diniy merosi tahlil qilingan. Ushbu maqolada mazkur hududdagi ziyoratgohlarning diniy va ijtimoiy ahamiyati, ularning tarixiy ildizlari, shuningdek, bu joylarga qilingan nazrlar va ular atrofidagi urf-odatlar o‘rganilgan.

Ушбу мақолада этнотуризм антропологиясининг назарий асослари шаклланиши, унинг терминологияси ва замонавий илмий ҳамжамиятдаги аҳамиятини кўриб чиқиш, шунингдек, ушбу соҳадаги асосий тадқиқотларни таҳлил қилиш назарда тутилган. Шунингдек, мақолада этнотуризм антропологиясини замонавий илмий мунозаралар доирасида ўрганишнинг асосий истиқболлари қўриб чиқилади.

Ushbu maqolada O‘zbekiston Respub¬likasida turizm soxasini rivojlantirishga qaratilgan meʼyoriy huquqiy hujjatlar, amalga oshirilayotgan tadbirlar tadqiq etildi. Shuningdek, maqolada mamlakatimizda turizm sohasining tarmoqlari va istiqbollari tahlil qilingan.

Mazkur maqolada Boysun baxshichilik an’analarini etnoturizm yo‘nalishida rivojlantirish masalalari ko‘rib chiqiladi. Baxshichilik san’ati O‘zbekistonning nomoddiy madaniy merosi sifatida e’tirof etilgan bo‘lib, xalq og‘zaki ijodining nodir namunasidir. Baxshichilikning etnoturistik ahamiyati, Boysun baxshilarining madaniy va tarixiy merosi hamda ushbu san’at turi asosida sayyohlik dasturlarini ishlab chiqish imkoniyatlari yoritiladi. Shuningdek, baxshilar ishtirokida jonli folklor dasturlarini tashkil etish, "Boysun bahori" xalqaro festivalini yanada rivojlantirish, baxshichilik maktablarini tashkil etish va turistik mahsulot sifatida suvenirlar yaratish bo‘yicha amaliy takliflar berilgan. Boysunning turizm sohasidagi imkoniyatlarini kengaytirish va milliy madaniyatni xalqaro maydonda targ‘ib qilishga qaratilgan yondashuvlar ilgari suriladi.

Maqolada “Ko‘pkari” va “Uloq” so‘zlarining kelib chiqishi va semantik ma’nosi yoritilib, O‘rta Osiyo xalqlarining otga bo‘lgan munosabati tahlil qilinadi. Shuningdek, ko‘pkarining an’anaviy o‘tkazilish tartibi va uning zamonaviy turizmdagi o‘rni ko‘rib chiqiladi. Yangiqo‘rg‘on tumanida etnoturizmni rivojlantirish jarayonida ko‘pkari musobaqalarining roli va uning iqtisodiy hamda madaniy jihatdan ahamiyati batafsil tahlil qilinadi. Ushbu an’anaviy ot sporti turi mintaqaga sayyohlarni jalb qilish, mahalliy madaniyatni targ‘ib etish va turizm infratuzilmasini rivojlantirishga xizmat qilishi mumkinligi ta’kidlanadi.

Ushbu maqolada O‘zbekiston sharoitida etnoturizmni rivojlantirishga qaratilgan davlat siyosatining asosiy yo‘nalishlari, amalga oshirilayot-gan dasturlar va ular orqali erishilayotgan natijalar tahlil qilinadi. Milliy madaniy merosni asrab-avaylash, turli etnik guruhlarning madaniyatini targ‘ib qilish va turizmni rivojlantirish uchun yaratilayotgan sharoitlar muhokama qilinadi. Shuningdek, etnoturizmni rivoj¬lantirishda mahalliy aholini jalb qilish, infratuzilmani yaxshilash va xalqaro tajribani qo‘llashning ahamiyati haqida fikr yuritiladi. Maqola O‘zbekistonning turizm sohasida raqobatbardoshligini oshirish bo‘yicha takliflarni ham o‘z ichiga oladi.

I.V.Savitskiy nomidagi Qoraqalpog‘iston davlat san’at muzeyi O‘zbekistonning etnoturizm sohasida muhim o‘rin egallaydi. Muzeyda Qoraqalpoq xalqining boy madaniy merosi, milliy san’ati va tarixiy eksponatlari namoyish etilib, etnik o‘ziga xoslikni keng targ‘ib etadi. Savitskiy muzeyining kolleksiyalari orasida Sovet avangardi asarlari va Qoraqalpoq xalqining milliy kiyimlari, zargarlik buyumlari, amaliy san’at namunalari mavjud bo‘lib, ular xalqning tarixi va madaniyatini aks ettiradi. Muzey milliy merosni saqlash va targ‘ib qilish bilan birga, O‘zbekistonga kelgan sayyohlar uchun jozibali madaniy obida sifatida xizmat qiladi. Ushbu maqola Savitskiy muzeyining etnoturizmdagi o‘rnini va xalqaro ahamiyatini yoritadi.

Ushbu maqolada o‘zbek jamiytida o‘z sulolasi, oilasi, urug‘i shajaralarini yozma yoki og‘zaki tarzda saqlab qolishning o‘ziga xos an’anasi genealogiyaga oid materiallar asosida yoritib berilgan. Genealogik an’ananing saqlanishi va amalda bo‘lish ayniqsa, turkiy xalqlar uchun o‘ziga xos ijtimoiy hodisa ekanligi, oila, ajdodlar yodi genealogik turizmning rivojlanish omili ekanligi ochib berilgan.