Ушбу мақолада Ўзбекистонда яшовчи араб аҳолисининг, хусусан, Қашқадарё вилояти Миришкор тумани Жейнов қишлоғида истиқомат қилувчи арабларнинг анъанавий ва замонавий кийим-кечаклари ҳамда тақинчоқлари таҳлил қилинади. Араб миллий кийимлари уларнинг моддий маданиятининг муҳим таркибий қисми бўлиб, халқнинг миллий хусусиятлари, урф-одатлари ва эстетик қарашларини акс эттиради. Тадқиқот натижаларига кўра, арабларнинг айрим миллий кийим ва тақинчоқлари бугунги кунгача қисман сақланиб қолган бўлиб, улар замонавий маданий жараёнлар таъсирида ўзгаришларга учрамоқда. Айниқса, “гиззи”, “натти”, “буг‘нак”, “силсила” каби анъанавий безак ва тақинчоқлар араб аёлларининг этномаданий белгиларидан бири сифатида муҳим аҳамиятга эга. Сўровнома натижалари арабларнинг миллий кийим-кечаклари ва тақинчоқларининг сақланиш даражаси турлича эканлигини кўрсатади: респондентларнинг бир қисми уларнинг тўлиқ ёки қисман сақланиб қолганини таъкидлайди. Шунингдек, бошқа маҳаллий халқлар билан маданий алоқалар натижасида айрим тақинчоқ ва кийим унсурларида ўзаро таъсир ҳам кузатилади. Тадқиқот арабларнинг анъанавий кийим ва тақинчоқлари маданий мерос сифатида авлоддан-авлодга ўтиб келаётганини ҳамда замонавий трансформация жараёнлари таъсирида янги шаклларга эга бўлаётганини кўрсатади.

Мазкур мақолада Фарғона фиқҳ мактабининг машҳур намояндаси Фахруддин Қозихоннинг ҳаёти, илмий фаолияти ва ҳанафий фиқҳ илми ривожидаги ўрни таҳлил қилинади. Алломанинг устозлари ва шогирдлари, шунингдек унинг илмий мероси ҳисобланган асарлар ҳақида маълумотлар келтирилади. Айниқса, ҳанафий мазҳабида муҳим манбалардан бири ҳисобланган “Фатово Қозихон” асарининг мазмуни, таркибий тузилиши ва фиқҳий аҳамияти ёритилади. Асарда фиқҳий масалаларни ҳал қилишда оят ва ҳадисларга таяниш, саҳобалар ва мазҳаб уламоларининг фикрларидан фойдаланиш ҳамда Ироқ ва Мовароуннаҳр фақиҳларининг қарашларини қиёсий ўрганиш каби илмий ёндашувлар таҳлил қилинган. Шу билан бирга, Фахруддин Қозихоннинг мужтаҳидлик ва фатво бериш масалаларига доир назарий қарашлари ҳам ёритилган.

Ushbu maqolada jamiyatda insonlarning notengligi stratifikatsiyaviy strukturalarning asosi ekanligi, qadimgi faylasuflarning asarlarida o‘rganish doirasida jamiyatning ijtimoiy tuzilishi, mulklari va ularning turmush tarzini  o‘rganishning umumiy nazariy va uslubiy asoslari yoritib berilgan.Shuningdek, stratifikatsiya tushunchasining mazmun-mohiyati, bugungi kundagi zamonaviy jamiyatlarning sotsial-sinfiy strukturasi,davlatlarning taraqqiyoti va tanazzulida tutgan o‘rni haqida aytib o‘tilgan.