Ushbu maqolada bagʻrikenglik, oʻzaro hamjihatlik, barcha dinlar oʻrtasidagi hurmat, tinchlik va doʻstlik tamoyillari, insonparvarlik, shuningdek, Oʻzbekistonda bagʻrikenglik va milliy-diniy an’analarning yuksakligi, konfessiyalar oʻrtasidagi totuvlik koʻrib chiqiladi.

Mazkur maqolada demografik siyosatning axloqiy asoslari va uning globallashuv jarayonidagi o‘zgaruvchan tabiatiga e’tibor qaratiladi. Globallashuv sharoitida inson huquqlari va erkinliklariga nisbatan davlat siyosatining ta’siri tahlil qilinadi hamda demografik boshqaruvning axloqiy mezonlarga muvofiqligi masalasi ko‘rib chiqiladi. Xususan, tug‘ilishni cheklash siyosatlari, migratsiya siyosati va oilaviy institutlarga ta’sir etuvchi omillar doirasida axloqiy va huquqiy muammolar yoritiladi. Shuningdek, turli mintaqalarda demografik siyosatning inson huquqlari bilan muvofiqligi solishtirma tahlil asosida o‘rganiladi. Maqolada xalqaro huquq me’yorlari, BMT va boshqa xalqaro tashkilotlarning qarashlari asosida demografik siyosatning zamonaviy yo‘nalishlari baholanadi. Tadqiqot xulosalari, demografik siyosatni yuritishda axloqiy yondashuvlar va inson huquqlarini hurmat qilish tamoyillarining dolzarbligini asoslab beradi.

Mazkur maqola Turkiyaning Markaziy Osiyodagi tashqi siyosati va geosiyosiy manfaatlarini tahlil qilishga qaratilgan. Xususan, O‘zbekistonning Turkiya strategiyasidagi o‘rni, ikki tomonlama hamkorlik yo‘nalishlari va Turkiy davlatlar tashkiloti doirasidagi munosabatlari ko‘rib chiqilgan. Shuningdek, Turkiya-O‘zbekiston aloqalarida yumshoq kuch vositasi hamda hamkorlikning ustuvor yo‘nalishlari tahlil qilingan.

Ushbu tadqiqot sun’iy intellektning (SI) siyosiy ishtirokni demokratlashtirishdagi rolini, saylovchilar ishtirokini kengaytirish orqali o‘rganadi. Aralash metodlardan foydalanib, so‘nggi saylovlarda SI asosidagi chat-botlar va bashorat tahlillari kabi vositalarning is Nimadi: ishtirok, ochiqkalik va tenglikka ta’siri o‘rganiladi. Tadqiqot algoritmik xatolar va raqamli tengsizlik kabi to‘siqlarni aniqlab, adolatli joriy etish uchun axloqiy asoslarni taklif qiladi. Natijalar shuni ko‘rsatadiki, SI, ayniqsa marginal guruhlar orasida ishtirokni oshirishi mumkin, lekin xavflarni kamaytirish uchun nazorat talab qilinadi. Tadqiqot inklyuziv demokratiya uchun tavsiyalar beradi.

Mazkur maqolada qoraqalpoq xalqi orasida tasavvufiy an’analarning tarqalishi va shakllanish jarayoni o‘rganiladi. Unda tasavvuf g‘oyalarining qoraqalpoq ijtimoiy-madaniy muhitiga kirib kelish yo‘llari, ularning mahalliy urf-odatlar va qadriyatlar bilan uyg‘unlashuvi hamda diniy o‘zlikni shakllantirishdagi o‘rni tahlil qilinadi. Maqolada tasavvuf an’analari islomiy-ma’naviy tamoyillar asosida qoraqalpoq xalqining madaniy va ijtimoiy tuzilmalari bilan uyg‘unlashgan holda, ularning ma’naviy hayoti va jamoaviy ongini shakllantirishga ko‘rsatgan ta’siri ijtimoiy-falsafiy nuqtayi nazardan yoritilgan.

Media diplomatiyasi boy madaniy va geosiyosiy tarixiga ega bo‘lgan O‘zbekiston uchun uning xalqaro nufuzini shakllantirish hamda ikki va ko‘p tomonlama munosabatlarni rivojlantirishda tobora muhim ahamiyatga ega bo‘lib bormoqda.

Ushbu maqolada media diplomatiyasi tushunchasi va uning xalqaro munosabatlardagi o‘rni tahlil qilingan. Xalq diplomatiyaning bir ko‘rinishi sifatida media diplomatiyasi an’anaviy diplomatik yo‘llarni ommaviy axborot vositalari bilan uyg‘unlashtirib, jahon jamoatchiligi fikriga ta’sir o‘tkazish, nizolarni bartaraf etish, yumshoq kuchni targ‘ib qilish va xalqaro hamkorlikni mustahkamlashga xizmat qiladi. Maqolada, shuningdek O‘zbekistonning media diplomatiyasi strategiyasi, uning taraqqiyoti, asosiy ishtirokchilari va xalqaro munosabatlardagi roliga ham atroflicha to‘xtalingan. Davlat nazoratidagi ommaviy axborot vositalari, raqamli media strategiyalari va yumshoq kuch tashabbuslarini tahlil qilish orqali, O‘zbekistonning mintaqadagi mavqeini mustahkamlash va jahon hamjamiyati bilan muloqot o‘rnatish uchun media diplomatiyasidan qanday foydalanayotgani o‘rganildi.

Жамиятнинг таркибий бўлаги бўлган “оила” тушунчаси кўплаб муҳокамаларнинг марказида бўлиб келган. Оммабоп ёндашув оиланинг нима экани ёки ҳеч бўлмаса нима бўлиши мумкинлиги билан боғлиқ. Ҳар бир оила ўзига хос тузилма, вазифа ва эҳтиёжлари билан алоҳида бир мавжудликдир. У жамият аъзоларини шакллантиради, озиқлантиради ва ижтимоий институтлардан ҳам муҳимроқ ўринни эгаллайди. Оиланинг ва унинг функцияларининг қабул қилиниши турли омилларга қараб фарқланади ва бу ҳолат оила аъзоларининг муносабатлари ҳамда хатти-ҳаракатларига таъсир қилиши мумкин. Шу сабабли бугунги кунда индивид саломатлиги каби оила саломатлиги тушунчаси ҳам муҳим ҳисобланади. Ушбу мақолада оила назарий ва тушунчавий тузилмаси нуқтайи назаридан таҳлил қилинади.

Мақола Россия босқини арафасида Туркистондаги ижтимоий-маънавий турғунлик ва унинг сабабларини таҳлил қилишга бағишланган. Ислом жамиятининг ўша даврдаги ҳолати ва инқироза таъсир кўрсатган омиллар ва қолоқликнинг сабабларни очиб беришга ҳаракат қилинган.

Maqolada fuqarolik jamiyati tushunchasining mohiyati, uning tarixiy shakllanish bosqichlari va nazariy yondashuvlari ilmiy-nazariy jihatdan tahlil qilingan. Fuqarolik jamiyati tushunchasining qadimgi Yunonistondan tortib, yangi davr falsafasi vakillari asarlarida aks ettirilgan qarashlargacha bo‘lgan rivojlanish tarixi ko‘rib chiqilgan. Shuningdek, liberal, konservativ, va ijtimoiy-demokratik nazariyalarning fuqarolik jamiyati konsepsiyalariga ta’siri ham tahlil qilingan.

Мазкур мақолада Алишер Навоий асарларида учрайдиган "хотун" образининг тарихий шахс билан богʻлиқлиги масаласи таҳлил қилинади. Тадқиқотда айниқса, бу аёл Шайх Нажмиддин Кубро онаси боʻлиши эҳтимоли коʻриб чиқилади. Муаллиф тарихий манбалар ва Навоий асарларига таяниб, "хотун"нинг шахсини аниқлашга уринган.

Maqolada dunyoning mafkuraviy manzarasi qanday o‘zgarib borayotgani, odamlarni o‘ziga jalb etishni maqsad qilgan turli mafkuralar o‘rtasidagi shiddatli geosiyosiy to‘qnashuvlar natijasida yangi mafkuraviy tahdidlar kelib chiqayotgani, ularning zararli ta’siriga qarshi kurashish, mafkuraviy xavfsizlikni ta’minlash masalalari haqida so‘z boradi.

Maqolada Antık davrı amudaryo quyı oqımı geografik joylashuvinıng shaharsozlık madanıyatıdagı oʻrnı toʻgʻrisida soʻz yuritilib, Xorazm vohasi geografiyasi, joylashish oʻrni va iqlimi shaharlarning rivojlanish jarayoniga ta’siri haqida toʻxtalib oʻtilgan.

Maskur maqolada yong'in xavfsizligi madaniyatini o'rganish tashkilotlarning yong'in bilan bog'liq xavf-xatarlarni qanday boshqarishi va kamaytirishini tushunish uchun muhimdir. Ushbu soha yong'in xavfsizligi natijalariga ta'sir qiluvchi xavfsizlik xatti-harakatlari, tashkiliy iqlim va boshqaruv tizimlarini baholash uchun nazariy va uslubiy yondashuvlarning kombinatsiyasiga asoslanadi.

Ушбу мақолада 2017-2020 йилларда Янги Ўзбекистонда илм-фан соҳаларидаги ўзгаришлар, жумладан, олий таълим муассасаларида илмий тадқиқотларни янада ривожлантириш, республикада олиб борилаётган илмий лойиҳаларда олий таълим муассасаларининг улуши ортаётганлиги, тадқиқот натижалари бўйича олинган гувоҳномалар сонининг ортганлиги ва бунинг асосий сабаби сифатида давлат томонидан илм-фан соҳаларини моддий жиҳатдан маблағ билан таъминлаш борасидаги ижобий ўсиш кўрсаткичларининг юз берганлиги ўрганилган.

Ushbu maqolada erkinlik tushunchasining ma’suliyat tushunchasi bilan bog’liqlik jihatlari, erkinlik va ma’suliyat haqida turli davrlardagi olimlar qarashlari tahlil qilingan. Bundan tashqari erkinlik va ma’suliyatni jamiyatda ma’naviyat rivojlanishidagi roli va barkamol shaxsni tarbiyalashdagi o’rni haqida o’rganilgan.

Мақолада темурийлар даврида калом илми, имом Мотуридий илмий меросининг ўша давр ёзма манбалари, хусусан тафсирлари орқали ёритиб берилган. Ислом оламида “Тафсири Ҳусайний” номи билан машҳур бўлган “Мавоҳиби Алийя” асари мисолида айрим оятлар тафсири баён қилинган.

Ushbu maqolada tarixiy manbalar va zamonaviy talqinlar asosida ovchilik ayrim ijtimoiy qatlamlar uchun ishlab chiqarish faoliyatidan bo‘sh vaqtda shug‘ullanish, hordiq chiqarish va ko‘ngilochar mashg‘ulot turi sifatida mavjud bo‘lganligi ilmiy asosda tahlil qilinadi. Ovchilik yakka tartibda yoki jamoaviy shaklda olib borilgan bo‘lib, u qisqa muddatli yoki uzoq davom etadigan bo‘lgan. Ovchilik faoliyati o‘z mohiyatiga ko‘ra tarixiy taraqqiyot jarayonida o‘zgarib borgan. Qadimgi zamonlarda qo‘llanilgan ov uskunalari — nayza, tayoq, yoki yer ostidan qazish kabi usullar vaqt o‘tishi bilan o‘z ahamiyatini yo‘qotib, ularning o‘rnini zamonaviy qurollar egallagan. Shunga qaramay, baʼzi ov turlari saqlanib qolgan va bugungi kunda sport turi sifatida rivojlanib, nayza uloqtirish, kamondan o‘q otish kabi yo‘nalishlarga aylangan.

Qahramonlik ruhidagi xalq og‘zaki ijodining namunasi bo‘lgan "Manas" eposi misolida nayza, kamon, miltiq, shuningdek, ovchi qushlar va itlardan foydalangan holda turli xil ov turlari ko‘rsatib berilgan. Asosiy qahramon Manas va uning safdoshlari timsolida ovchilik nafaqat kundalik faoliyat, balki hordiq va dam olish vositasi sifatida talqin etilgan.

Mazkur maqolada "Yong'in xavfsizligi madaniyati" tushunchasini turli falsafiy nuqtai nazardan tahlil qilish va tasniflash mumkinligi va axloqiy nuqtai nazardan, yong'in xavfsizligi madaniyati odamlar va mulkning xavfsizligi va farovonligini birinchi o'ringa qo'yish uchun shaxslar va tashkilotlarning jamoaviy axloqiy majburiyati sifatida yoritib berilgan.

Bugungi kunda Oʻzbekiston – Amerika Qoʻshma Shtatlari hamkorlik munosabatlari keng koʻlamli boʻlib, strategik sheriklik aloqalari yuksak darajaga koʻtarilmoqda. Toshkent va Vashington oʻrtasida turli masalalarni oʻz ichiga olgan munosabatlar mavjud. Ikki tomon oʻzaro umumiy xavfsizlik, ilm-fan va texnologiya, savdo va sarmoyani kengaytirgan holda siyosiy-iqtisodiy munosabatlarni rivojlantirishga harakat qilmoqda. Shuningdek, qonun ustuvorligi, fuqarolik va siyosiy huquqlarni kafolatlash kabi samarali boshqaruv masalalarida ham doimiy muloqot mavjud. Ushbu maqolada Toshkent va Vashington oʻrtasidagi ikki tomonlama munosabatlarning asosiy yoʻnalishlari, masalan, ichki siyosiy va iqtisodiy oʻzgarishlar, xavfsizlik va gumanitar munosabatlar sohasidagi hamkorlik, “C5+1” doirasida faol siyosat olib borishi koʻrsatilgan.

Ushbu maqolada Markaziy Osiyodagi geosiyosiy jarayonlarga islom dinining ta’siri, mintaqa uchun diniy omilning integratsion va dezintegratsion xususiyatlari hamda tashqi manfaatlarning kesishuvida undan foydalanish ehtimollari ochib beriladi. Bunda, g‘arb va sharq allomalarining hozirgacha dolzarb va eskirmas davlat va din munosabatlariga oid klassik nazariyalari hamda bugungi kungacha ushbu mavzu doirasida tadqiqot olib borgan turli mintaqalardan bir nechta olimlarining asarlari va xulosalari o‘rganilib qiyosiy tahlil etiladi. Istiqbolda barqaror rivojlanish va integratsiyaga tahdid tug‘diruvchi vaziyatning vujudga kelishida tashqi kuchlarning diniy omildan foydalanish ehtimolini hisobga olib Markaziy Osiyo mintaqasi milliy manfaatlaridan kelib chiqqan holda preventiv chora va takliflar beriladi. Bunda, bugungi virtual olam imkoniyatlari va aholi psixologiyasiga ta’sir ko‘rsatishda, turli bo‘linishlarga va ziddiyatli muhitni shaklllantirishga sabab bo‘layotgan g‘arazli, diniy targ‘ibot niqobi ostida faoliyat ko‘rsatayotgan kanallarning o‘rni tahlil qilinib fanatizm orqali vujudga keluvchi nizolarni oldini olish yuzasidan takliflar beriladi.

Ушбу мақолада Абу Наср Форобийнинг фанлар классификацияси тўғрисидаги таълимоти таҳлил қилинади. Форобий илмларни назарий ва амалий йўналишларга бўлиб, уларни тартибли шаклда таснифлаган. У мантиқ, математика, табиатшунослик, метафизика, сиёсат ва ахлоқ каби фанларнинг ўзаро боғлиқлигини кўрсатиб, уларнинг ривожланиши ва жамиятдаги аҳамиятини ёритиб берган. Мақолада Форобийнинг “Ихсо ал улум” асари асосида фанлар тизими таҳлил қилиниб, унинг илмий билимларни таснифлашдаги роли кўрсатилади.

Мазкур мақолада ўзбек миллий ҳунармандчилигининг халқаро миқёсда, хусусан, АҚШда халқ дипломатияси воситаси сифатида тутган ӣрни таҳлил этилган. Азиза Тожиева ва Зилола Ашурова каби ҳунармандларнинг фаолияти орқали анъанавий маданиятнинг рақамли технологиялар билан уйғунлиги, маданий алмашинувнинг янги йўналишлари ва АҚШ жамоатчилигида Ўзбекистоннинг ижобий имижини шакллантириш жараёнлари ёритилган. IFAM халқаро кўргазмалари, Жорж Вашингтон университети Текстиль музейи ва бошқа маданий тадбирлар мисолида икки мамлакат халқлари ӯртасидаги ӣзаро тушуниш, ҳурмат ва дўстона алоқаларнинг мустаҳкамланаётгани таъкидланган. Мақола ўзбек халқ дипломатиясининг “yumshoq kuch” стратегиясидаги самарали йўналишлардан бири сифатида ҳунармандчилик фаолиятини ўрганишга бағишланган.

Ushbu maqolada yunon ilmining arab tiliga tarjima qilinishi va uning islom falsafasiga kirib kelishi tahlil etiladi. Avvalo, musulmon faylasuflaring, xususan Al Xorazmiy va Ibn Sino asarlari tarixiy va madaniy muhitda falsafa ilmiga qanday fikrlarni berganini ko’ramiz. Shuningdek, maqolada birinchi sabab va insonning ruhiu kamoloti bilan bog’liq bo’lgan masalalarni ko’rib chiqishimiz mumkin. Bu davrda musulmon faylasuflaring olamning asosi va insonning asl mohiyati nimada ekanligini ochishga doir fikrlari bilan tanishamiz.

Maqolada sharqshunos olim Y.E.Bertels tatqiqotlarida buyuk mutafakkir olim Abdurahmon Jomiyning tasavvuf ilmiga oid falsafiy qarashlari tahlil qilingan.Shu bilan birga, maqolada oʻrta asrlarda rivoj topgan tasavvuf falsafasining oʻziga xos xususiyatlari rivojlanish bosqichlari ochib berilgan.

Ushbu maqola qadimgi SHarq tibbiyoti tizimining shakllanishida Misr va Bobil tabobatining o’rni va ahamiyati haqida fikr bildirilgan. Qadimgi Shar madaniyati, tarixi, yozuv ixtirolari, xususan dastlabki eng oddiy – rasmli bitiklar, loy taxtakachlar, keyin murakkabroq ierogliflarning kashf qilinishi, Misr va Bobildagi ko'pgina adabiy yodgorliklarni, shu jumladan tibbiy adabiyot yodgorliklarining tarixiy-ma’naviy meroslari ko’rsatilgan. Bobildagi xalq tabobati,jumladan Xamurappi qonunlarning kashf etilishi, Misr papiruslarida bitilgan terapevtik, jarroxlik, stomatologik va boshqa tibbiyot ilmining shakllanib, rivoji o’z o’rnida G’arb tibbiyotining yuksalishiga ta’sir etilishi yoritilgan.

Ushbu maqolada AKT faoliyat olib boradigan asosiy yoʻnalishlar, AKTning xotira madaniyatini shakllantirishdagi oʻrni, jamiyatning oʻtmishga boʻlgan munosabati, tarixiy voqealarning haqqoniy yoritilishi OAVning bugungi kundagi asosiy vazifasi sifatida tahlil qilingan.  Shuningdek, xotira madaniyatining shaxs, jamiyat va davlat uchun ahamiyati, uning shakllanishiga ta'sir etuvchi omillar, tarixiy xotirani saqlash, oʻrganish va uzatish usullari yoritib berilgan.

Ushbu maqolada Surxon vohasida sovet davrining so‘nggi bosqichlarida amalga oshirilgan qatag‘onlik siyosatining mahalliy voqeliklari, XX asr 30–50-yillarida hududda ro‘y bergan siyosiy repressiyalar, ularning ijtimoiy-iqtisodiy va madaniy hayotga ta’siri, mahalliy ziyolilar, din vakillari va oddiy xalq vakillarining taqdiriga bo‘lgan og‘ir oqibatlari yoritib berilgan.  

Ushbu maqolada mentalitet tushunchasining ilmiy muomalaga kirib kelishi yoritilgan. Insoniyat tаrixi - bu shаxslаrning, ijtimoiy guruhlаrning, shuningdek jаmoаlаrning mаdаniy jihаtdаn аniqlаngаn fаoliyati jаrаyonidа аmаlgа oshirilаdigаn, yaxlitligi vа fаoliyat yo‘nаlishi ulаrning mentаliteti bilаn belgilаnаdigаn jаrаyondir.

Bu maqolada islom dini nuqtai nazaridan taqiqlangan transplantatsiya turlari, shuningdek, mamlakatimiz konstitutsiyasida bemorlarning bugungi kundagi misollari keltirilib, bunday operatsiyalarning oldini olish maqsadida boshqa odamlarni ayanchli oqibati haqida ogohlantirishga xizmat qiladi. Asosiy e’tibor jinsni o‘zgartirish maqsadida jinsiy a’zolarni transplantatsiya qilishga qaratiladi, biz xorijdagi o‘zbeklar o‘rtasida amalga oshirilgan bunday operatsiyalarning statistik ma’lumotlarini tahlil qilib, jamiyatga ta’siri darajasini ko‘rsatamiz, shuningdek, boshqa odamlar tajribasidan kelib chiqib, ushbu turdagi transplantatsiya bemorni qanchalik chalg‘itayotganini ko‘rsatamiz.

Ushbu maqola yoshlar orasida ma’naviy-axloqiy begonalashuv muammosini va uning sabablarini tahlil qiladi. Maqolada globallashuv, axborot texnologiyalarining rivojlanishi, ijtimoiy tengsizlik kabi omillarning yoshlar ma’naviyatiga ta’siri ko‘rib chiqiladi. Shuningdek, yoshlarning ma’naviy-axloqiy begonalashuvini oldini olish bo‘yicha takliflar, jumladan, ta’lim tizimini takomillashtirish, milliy qadriyatlarni targ‘ib qilish, yoshlarning ijtimoiy faolligini oshirish kabi yechimlar tahlil qilinadi.

O‘zbekiston va Tojikiston o’rtasidagi aloqalar, o‘zaro almashinuv, tarixiy-madaniy muloqotlar, ta’lim sohasidagi hamkorliklar  va bitimlar  manbalar asosida yoritildi va taxlil etildi. O‘zbekistonning Tojikiston bilan  ijtimoiy, madaniy, fan, ta’lim sohalaridagi o‘zaro hamkorligiga to‘xtalib o‘tildi.

Мақола Буюк ипак йўлининг Марказий Осиё минтақаси орқали ўтган карвон йўлларида хавфсизликни таъминлашнинг асосий жиҳатларини ёритишга бағишланган. Савдо карвонларининг, йўловчиларнинг хавфсизлигини таъминлаш халқаро иқтисодий алоқалар ривожидан манфаатдор бўлган маҳаллий ҳукмрон сулолаларнинг доимо диққат марказида турган вазифалардан бири бўлганлигига эътибор қаратилган. Бу масалалар қадимги Хитой манбалари, ривожланган ўрта асрларда яратилган араб манбалари, европалик сайёҳлар, Амир Темур ва темурийлар даврига оид манбалардаги маълумотларга таянган ҳолда очиб берилган.

Ushbu maqolada XIX asrda Buyuk Britaniya va Eron o‘rtasidagi munosabatlarning siyosiy va iqtisodiy jihatlari ko‘rib chiqilgan. Asosiy e’tibor Angliya va Rossiya o‘rtasidagi “Katta o‘yin”, geosiyosiy manfaatlar va Britaniya siyosatining Eronning ichki rivojlanishiga ta’siriga qaratilgan. Maqolada asosiy diplomatik shartnomalar, savdo bitimlari va Britaniyaning Eron iqtisodiyoti hamda siyosatini o‘zgartirishdagi roli tahlil qilinadi.

Ushbu maqolada inson ekologiyasi, inson va tabiat munosabatlari, ekologiya va atrof-muhitni insonga, va aksincha insonni atrof-muhitga ta’siri ochib berilgan. Ekologiyaning inson salomatligiga va jamiyatga ta’sirini ijtimoiy omillari tahlil qilingan bo`lib, tabiat bilan muvozanatli munosabatda bo'lish va barqaror rivojlanishga intilish zarurati masalasi yoritib berilgan.

ushbu mаqоlаdа zаmоnаviy jаmiyatdа yoshlаrning ijtimоiy fаоlligini оshirishdа milliy vа umuminsоniy qаdriyatlаrning tutgаn o‘rni tаhlil qilingаn. Yosh аvlоdning fаоl fuqаrоlik pоzitsiyasini shаkllаntirish, jаmiyatdаgi ijtimоiy jаrаyonlаrdа ishtirоkini kеngаytirish hаmdа mа'nаviy-ахlоqiy tаrbiyadа qаdriyatlаrning tа'sirigа аlоhidа e'tibоr qаrаtilgаn. Maqоlаdа shuningdеk, yoshlаrning fаоlligini rаg‘bаtlаntirishdа оilа, tа'lim muаssаsаlаri vа fuqаrоlik jаmiyati institutlаrining o‘rni vа аhаmiyati yoritib bеrilgаn. Ilmiy tаhlillаr аsоsidа zаmоnаviy yoshlаrning ijtimоiy fаоlligigа ijоbiy tа'sir etuvchi оmillаr vа sаmаrаli yo‘l-yo‘riqlаr tаklif etilgаn.

Ушбу мақолада Марказий Осиёнинг ажралмас қисми бўлган Афғонистон масаласида юзага келган инглиз-рус рақобатининг ХIХ асрнинг 70-йилларидан бошланган янги фазаси ҳақида чуқур илмий асосларга таянган ҳолда сўз юритилади. Жумладан, Россия империясининг Афғонистон масаласидаги асосий ҳал қилувчи сиёсий шахсларидан бири ҳисобланувчи Туркистон генерал губернатори фон Кауфман ва Буюк Британия ташқи ишлар вазири граф Жорж Левисон-Гоувернинг қарашларини таҳлил қилиш орқали ушбу масалага оид икки империянинг сиёсий посицияси очиб берилган. Қолаверса, АҚШ ҳукуматининг Марказий Осиё масаласидаги сиёсий қизиқишларининг мазкур даврга келиб фаоллашганлиги ҳам ушбу тадқиқот ишига қамраб олинган.

Mazkur maqolada shaxs erkinligini va jamiyatning barqarorligini ta'minlash uchun zarur bo‘lgan ijtimoiy institutlarning shakllanishi va rivojlanishini ta’minlashda muhim ahamiyatga egaligi ilmiy tahlil qilingan. Shuningdek, . ijtimoiy davlat, dastavval, ijtimoiy adolat va tenglikni ta'minlash maqsadida tashkil etilgan chora-tadbirlar ham  ijtimoiy davlat tamoyilining muhim qirrasi va amaliy ko‘rinishi sifatida namoyon bo‘lmoqdaligi ko‘rsatilgan.